МКУ "Мегино-Кангаласская МЦБС им. И.М.Сосина"
Тюнгюлюнская библиотека
Наш адрес:
678075
Тюнгюлю, ул. Горького, 7
email: tyungbibl@yandex.ru
https://vk.com/id686205958
Режим работы:
Пн-Пт: 10:00 — 18:00
Сб: 10:00 — 14:00
Вс: выходной
Учуутал үрдүк аата
Быйыл Россияҕа «Учуутал уонна наставник» сылынан биллэриллибитэ. Сыл устата Республикабытыгар араас тэрээһиннэр ыытылыннылар.
Төҥүлү нэһилиэгэр Надежда Николаевна Оконешникова салайар «Доруобуйа» түмсүүгэ үөрэхтээһин эйгэтигэр үлэлээбит бэтэрээн учууталларыгар анаммыт тэрээһин олохтоох библиотекаҕа ыытылынна. Ол курдук уһуйаан уонна үөрэх эйгэтигэр үлэлээбит наставниктарынан:
- Александра Семеновна Баишева
Төҥүлү нэһилиэгин Бочуоттаах олохтооҕо, Мэҥэ Хаҥалас Ытык ыал Бочуотун кинигэтигэр киирбитэ, Норуот маастара, СӨ. үөрэҕириитин систиэмэтин Бочуоттаах ветерана
- Варвара Александровна Яковлева
Педагогическай үлэ ветерана, Араҥас, Төҥүлү нэһилиэктэрин бочуоттаах олохтооҕо, Старший учитель РСФСР үөрэҕин министерствотын бэлиэтэ, СӨ Учууталлар учууталлара бэлиэ, СӨ Бочуоттаах кырдьаҕаһа знак бэлиэлээх
- Валентина Владимировна Цыпандина
СӨ Норуоттар доҕордоһуулара орден кавалера,СӨ Үтүөлээх учуутала, Методист учуутал, Бүтүн Союзтааҕы учууталлар 3 сьездтэрин делегата. Учитель учительских признаний конкурус кыайыылааҕа. За самоотверженный труд знактаах. Төҥүлү нэһилиэгин, Мэҥэ Хаҥалас улууһун Бочуоттаах олохтооҕо. Педагогическай үлэ ветерана
- Галина Романовна Стручкова
Профтех образования отличнига, Российскай Федерация орто анал үөрэхтээһин Бочуоттаах үлэһитэ, Төҥүлү нэһилиэгин Бочуоттаах олохтооҕо, СӨ Бочуоттаах кырдьаҕаһа знак бэлиэлээх, үлэ ветерана
- Анастасия Михайловна Скрябина
СӨ үөрэҕириитин туйгуна, Методист иитээччи, идэтигэр эҥкилэ суох бэриниилээх үлэтин иһин СӨ президенин гранын хаһаайката, Россия уопсай үөрэхтээһинин Бочуоттаах үлэһитэ, СӨ үөрэҕириитин Бочуоттаах ветерана
- Валентина Егоровна Захарова
СӨ культуратын туйгуна. Мөҥүрүөн нэһилиэгин Бочуоттаах гражданина, Российскай Федерация үлэтин ветерана
- Анна Егоровна Баишева
СӨ үөрэҕириитин туйгуна, Учууталлар учууталлара, Педагогическай энциклопедия 5-с томугар киирбитэ. СӨ үөрэҕириигэ систиэмэтин Бочуоттаах ветерана, Төҕүлү нэһилиэгин Бочуоттаах олохтооҕо, За заслуги перед наслегом знак хаһаайката, Сахаада спорт маастара, За вклад в развитие спорта в улусе знактаах.
- Надежда Николаевна Оконешникова
Физик – математик идэлээх. Өр сылларга математика учууталынан үлэлээбитэ. Медалист оҕолордоох 2 оҕо кыһыл көмүһүнэн, 5 оҕо үрүҥ көмүһүнэн. Үөрэппит оҕо ситиһиитэ учууталга дьоло буолар, олоххо кынаттыыр.
- Любовь Ионовна Стручкова
СӨ үөрэҕириитин туйгуна, СӨ Ытык сүбэ знактаах, СӨ Бочуоттаах кырдьаҕаһа.
- Матрена Васильев Борисова
Мэҥэ Хаҥалас улууһун сыана ветерана знактаах. Үлэ ветерана.
- Зинаида Михайловна Бурцева
Методист учуутал, СӨ үөрэҕириитин туйгуна, Педагогическай үлэ ветерана. Любовь Николаевна Назарова
Российскай Федерация уопсай үөрэҕириитин Бочуоттаах үлэһитэ, СӨ үөрэҕириитин туйгуна, Методист учуутал, Учууталлар учууталлара, Төҥүлү нэһилиэгин бочуотунай кинигэтигэр киирбитэ. Мастер слова знактаах.
- Альбина Антоновна Находкина
СӨ үөрэҕириитин туйгуна. Уопсай үөрэҕирии Бочуоттаах үлэһитэ.
Бу идэлэрин туһунан, урукку үлэлээбит сылларын, оҕо иитиитигэр анаабыт туох баар билиилэрин, сатабылларын биэрэн, үөрэппит оҕолорун олох киэн аартыгын булларбыт кэмнэрин дуоһуйа ахтан санаан аастылар. Тэрээһин иккис аҥарыгар бэлэмнээн кэлбит араас эйгэттэн боппуруостарын таайтаран умнуллубат бэлэхтэрин туттардылар. Ытыктабыллаах ыалдьыттарбытыгар «Эйгэ» култуура киинин Уус уран салайааччыта Айтал Соловьев эҕэрдэ ырыаларын анаата.
Хас биирдиибит оскуолаҕа үөрэммит үтүөкэн кэмнэрбитин, учууталлардыын алтыспыт сылларбытын долгуйа ахтабыт. Олус да элбэх умнуллубат түгэннэр өйбүтүгэр – сүрэхпитигэр сөҥөн хаалбыттар. Ытыктыыр, убаастыыр уһуйааччыларбыт, учууталларбыт эһиги үлэҕитигэр үрдүк ирдэбиллэргитинэн, дириҥ билиигитинэн уонна олоххо муударай сыһыаҥҥытынан, көлүөнэ сайдарыгар олохторун түстээн биэрбит өҥөҕүт умнуллубат. Эһигиттэн ылбыт билиибит олохпут ситиһиитин дакаастабыла буолар. Сылын аайы дойду үрдүнэн үөрэхтээһин салаата аныгы үйэ уларыйыыларын кытта тэтимнээхтик тэҥҥэ сайдан иһэр эйгэ буолар.
Анастасия Варламова 75 сааһыгар ахтыы киэһээтэ
Всероссийский географический диктант 2023 год
Улуу Кыайыы 76 сылыгар - 76 км сатыы хаамтылар
Төҥүлү орто оскуолатын учуутала, «СР физическай культураҕа уонна успуорка туйгуна», үрдүкү категориялаах физкультура учуутала Василий Семёнович Эверстов уол оҕону олоххо бэлэмнээх гына иитиигэ улахан болҕомтотун уурар. Ол курдук, ааспыт сылларга «Кыһыҥҥы сатыы похуот», «Кыайыы велопохуота» уонна уруккута «М. Горькай» аатынан созхоз бөһүөлэктэринэн уолаттары илдьэ айаҥҥа сылдьыбыта.
Василий Семенович быйылгы проегынан, улууспутугар «Герой сыла» биллэриллибитинэн, сахалартан бастакы Советскай Союз Геройа Ф.К. Попов 100 сааһынан , «Улуу кыайыы 76 сылыгар -76 килэмиэтири сатыы» похуоту, кулун тутар 19-21 күннэригэр, Төҥүлү- Бэдьимэ — Сыымах — Сыҥаһалаах — Сыымах — Сыырдаах (Сыымах — Бэдьимэ икки ардыгар баар сир) маршрутунан барыта 76 км сири хаамтылар.
Хаамыыга оскуолабыт «Хотой» военно-патриотическай кулуубун оҕолоро уонна аҕыйах волейболист уолаттар: Шелковников Саша, Егоров Алмаз (7 кылаастар), Гоголев Георгий, Стручков Айаал, Куличкин Артем, Кычкин Миша (9 кылаастар), Борисов Ян, Кычкин Федор (10 кылаастар) кытыннылар. Салайааччыларынан В.С. Эверстовы кытта ВПК эбии үөрэхтээһин учуутала Громов Сергей Альбертович сырытта.
Бастакы күн сарсыарда 8 чаастан саҕалаан Төҥүлүттэн Сыымахха диэри 50—чэ килэмиэтири хаампыттар.
Уһун айан кэнниттэн тиийбит оҕолору «Ф.К. Попов аатын сүгэр» Баатара оскуолатын кэллэктиибэ, үрдүк таһымнаахтык, олус үчүгэйдик көрсүбүттэринэн, түгэнинэн туһанан салайааччылар уонна оҕолор махталларын тиэрдэллэр.
Иккис күннэрин оҕолор Ф.К. Попов музейын көрүүтүттэн саҕалаабыттар. Герой туттубут малын, фроҥҥа ханан сылдьыбытын туһунан сэргээн иһиттилэр-көрдүлэр. «Хотой» ВПК бастыҥа Стручков Айаал Ф. К. Попов паартатыгар олорор чиэскэ тигистэ.
Салҕыы Герой фроҥҥа ыҥырыллан барбыт «Атыыр тириитэ» сайылыгар сылдьан, Фёдор Кузьмич 1942 сыллаахха, бэс ыйын 24 күнүгэр туруорбут остуолбатыгар сүгүрүйэн ааспыттар.
Киэһээ өттүгэр олохтоох оскуола оҕолоро тэрийбит тэрээһиннэригэр кытыннылар, волейбол оонньоотулар.
Үһүс күннэригэр 76 килэмиэтирдэрин толороору Сыырдаахха дылы сатыы кэлбиттэр. Утары оскуола массыыната көрсүбүт.
3 хонук иһигэр уолаттар, ыраах сири хаамартан сылайдаллар да сааскы салгыҥҥа дуоһуйа тыынан, сири-дойдуну астына көрөн, биир дойдулаах геройбут Федор Кузмич туһунан элбэҕи билэн-көрөн, саҥа доҕоттордонон, сэргэхсийэн, тус бэйэлэригэр улахан тургутууну ааһан сирэйдиин-харахтыын оттомурбут курдук буолбуттар. Салайааччыларбыт: «биһи эмиэ тургутууну аастыбыт», — диэн бэлиэтииллэр. Похуот кэмигэр төрөппүттэр ватсап группатын нөҥүө хаартысканан көрөн сибээһи тута олордубут. Мин саныахпар уол оҕону дьиҥнээх эр киһилии иитиигэ олус туһалаах похуот буолла диэн уолаттарбытынан киэн туттабыт. Салайааччыларбытыгар, биһиги оҕолорбутугар аҕалыы сыһыаҥҥыт иһин барҕа махтал тиэрдэбит.
Мария Гоголева, төрөппүт
Кинигэ сүрэхтэниитэ
«Кыайбыттар суолларынан» хомуурунньук-кинигэ сүрэхтэниитэ
Төҥүлү орто оскуолатын «»Музейное дело» куруһуокка дьарыктанар үөрэнээччилэр өрөспүүбүлүкэҕэ, улууска ыытыллыбыт конференцияларга, ааҕыыларга кыттыбыт дакылааттарын мунньан, куруһуок салайааччыта, ветеран-учуутал Варламова Матрена Степановна уонна нэһилиэк библиотекатын оҕо салаатын үлэһитэ Петрова Лаана Алексеевна хомуурунньук-кинигэ оҥорон, төрөппүттэр спонсордаан, 20 ахсаанынан Майаҕа ИП Назарова А.А. бэчээттэтэтэн таһаардыбыт.
Тэрээһини Матрена Степановна куруһуокка тугунан дьарыктаммыттарын, туохха үөрэммиттэрин, араас музейдарга сылдьыбыттарын, оҕолорун ситиһиилэрин туһунан сиһилии кэпсээн саҕалаата.
Нэһилиэкпит баһылыга Данилов Гаврил Гаврильевич оҕолорго эҕэрдэ тылын таһынан, нэһилиэкпит сорох даталарын, түгэннэрин чуолкайдыыр көрдүүр-чинчийэр үлэбитигэр кыттыһын диэн ыҥырда.
Оскуолабыт директора Сотников Вячеслав Егорович улахан үлэ оҥоһуллубутун, оҕолор араас таһымнаах НПК-ҕа, ааҕыыларга куруутун миэстэлэһэн оскуолаларын аатын ааттаталларын тоһоҕолоон бэлиэтээтэ, барыларыгар оскуола аатыттан грамота туттарда уонна мантан саас Чөркөөх музейын көрө баралларыгар автобуһунан хааччыйарын биллэрдэ.
Харда тылы төрөппүттэр: Стручкова Вера Алексеевна, Баишева Любовь Александровна, Гаврильева Вера Николаевна, учууталлар, оҕолор эттилэр. 11-с кылаас үөрэнээччитэ Николаев Анатолий сэрии тематыгар викторина ыытта.
Көрдүүр-чинчийэр үлэҕэ көхтөөхтүк кыттыбыттарын, оскуола музейын сайдыытыгар кылааттарын иһин Прибылых Сахаайа, Свинобоев Тарас, Черкашина Алина Саха Республикатын «Республикатааҕы норуот айымньытын дьиэтэ» автономнай тэрилтэттэн; Баишева Олеся, Гаврильев Женя улуустааҕы үөрэх управлениятыттан (Черкашина И.В.); Горохова Вика, Максимова Сайыына, Шарин Коля И.М. Сосин аатынан улуус библиотечнай ситимиттэн (Корнилова Е.С.); Гаврильева Настя, Куличкин Витя, Кычкин Сеня, Николаев Толя, Романов Алгыстаан «Төҥүлү нэһилиэгэ» МТ-тэн (Данилов Г.Г.); Павлова Иванна, Сивцев Асхар «Доллу нэһилиэгэ» МТ-тэн (Сивцев Н.П.) грамоталары, махтал суруктары туттулар.
Айар үлэ - төрөөбүт дойдубут саргыта
Саха киһитэ ураты өрө күүрүүлэх санаатын уус-ураннык айар-хоһуйар дьоҕурдааҕын бэрт былыргыттан бэлиэтии көрбүттэрэ. ол иһин саха литературата поэзиянан саҕаламмыта, сайдыбыта.
